Bluefin Shop RU

OMMAVIY OFERTA

Sotuvchi: «FRESH AND TASTY PREMIUM» mas'uliyati cheklangan jamiyati, STIR 308018784. Yuridik manzil: Toshkent shahri, Shayxontohur tumani, Ibn Sino-1 mavzesi, 13-uy, 80-xona. Do'kon: Toshkent, Oloy bozori ko'chasi, 23B. Telefon: +998 99 359 59 59, Telegram: @bluefin_shop, e-pochta: [email protected].

Tahrir: 20.11.2026. Ushbu oferta bluefinshop.uz saytida buyurtma berish shartlarini belgilaydi. Saytda buyurtma yuborgan shaxs (keyingi o'rinlarda — Xaridor) ushbu shartlarni qabul qilgan hisoblanadi.

1. Buyurtma

  1. Xaridor savatni to'ldirib, ismi, telefoni va olib ketish yoki yetkazib berish usulini kiritadi.
  2. Buyurtma Sotuvchi operatori telefon yoki Telegram orqali tasdiqlaganidan keyin qabul qilingan hisoblanadi. Operator mavjudlik, vazn, narx va yetkazib berish vaqtini aniqlashtiradi.
  3. Saytda to'lov qabul qilinmaydi. To'lov usuli operator bilan kelishiladi.

2. Narx va mavjudlik

  1. Narxlar so'mda, QQS bilan. Narx va qoldiq ombor dasturidan olinadi va kun davomida o'zgarishi mumkin; yakuniy narx — operator tasdiqlagan narx.
  2. Tortib sotiladigan mahsulotning narxi 1 kg uchun ko'rsatilgan. Aniq vazn kesilganda ma'lum bo'ladi, summa shunga qarab o'zgaradi.
  3. Mahsulot rasmi tanishish uchun; qadoq dizayni ishlab chiqaruvchi tomonidan o'zgartirilishi mumkin.

3. Yetkazib berish va olib ketish

  1. Yetkazib berish Toshkent bo'yicha kurer xizmati (Yandex) orqali; narxi va vaqti manzilga qarab, operator bilan kelishiladi. 18:30 dan keyingi buyurtmalar ertasi kuni yetkaziladi.
  2. Viloyatlarga — BTS yoki EMU pochta orqali. BTS ofisiga posilkani Sotuvchi o'zi topshiradi; EMU kuryerini chaqirish xizmati — 25 000 so'm. Pochta narxini BTS / EMU hisoblaydi. Mahsulot uzoq yo'lga chidamli bo'lsa jo'natiladi.
  3. Olib ketish — do'kondan, har kuni 07:30 dan 19:00 gacha.

4. Chek

Har bir xarid uchun fiskal chek beriladi.

5. Qaytarish

Qaytarish va almashtirish O'zbekiston Respublikasining «Iste'molchilarning huquqlarini himoya qilish to'g'risida»gi Qonuni bo'yicha amalga oshiriladi. Sifatsiz mahsulot bo'yicha olgan kuniyoq +998 99 359 59 59 ga yoki Telegramga yozing — almashtiramiz yoki pulini qaytaramiz.

6. Boshqa

Shaxsiy ma'lumotlar Maxfiylik siyosati bo'yicha ishlanadi. Nizolar muzokara yo'li bilan, kelishilmasa — O'zbekiston qonunchiligi bo'yicha hal qilinadi.